Një modele e njohur e programeve të Netflix është dënuar me 20 muaj burg në Britaninë e Madhe, pasi u arrestua muajin e kaluar teksa tentoi të fuste një ngarkesë me drogë në ishull.
Olga Bednarska u arrestua teksa tentoi të trafikonte 150,000 paund kanabis, teksa fluturonte nga Tajlanda për në Britani.
27-vjeçarja u ndalua në aeroportin e Mançesterit me dy valixhe të mëdha në të cilat u gjetën rreth 40kg kanabis.
Pavarësisht se u dënua me 20 muaj burg, modelja nuk do të kalojë asnjë ditë në qeliu, pasi dënimi është pezulluar sepse ajo pretendonte se çantat ia kishte dhënë një shoqe e quajtur ‘Tex’.
Modelja ka rrëfyer se se një person kishte paguar për fluturimin e saj me kusht që të merrte dhe valixhet me veshje të shtrenjta që sillte nga Phuketi i Tailandës.
Në gjykatë u tha se Bednarska, me origjinë nga Polonia e cila jeton në Mançester, kishte jetuar përtej mundësive të saj duke akumuluar një borxh prej 16,000 paund. Prandaj për të paguar këtë ajo u detyrua të përfshihej në krim, duke fluturuar në Tailandë për t’u kthyer me valixhet e porositura.
Bednarska shpërtheu në lot në gjykatë dhe rrjedhimisht asaj iu kursye burgu për evazion fiskal dhe transport të drogave të klasit B. Gjykatësi John Potter i dha 20 muaj dënim të pezulluar për transportimin e kanabisit, që kap një vlerë rruge rreth 157,600 paund. Përveç dënimit të pezulluar, Bednarska u urdhërua të kryejë 15 ditë aktivitete rehabilitimi.
