Si pasardhësin e Isa Boletinit, që e bëri kryetar, ministrja e Punëve të Jashtme, Donika Gërvalla, huqjet nuk i pati të rralla. Me raste, e humbi krejt kuptimin.
Si shefe e diplomacisë, punë i ra të ketë goxha me flamuj, ndaj edhe i ngatërroi shpesh, raporton Klan Kosova.
Ndodhi që iu përzie edhe dita me vitin.
Mirë nuk qëndroi as me emrat, madje as kur bëhet fjalë për shqiptar fort të shquar, si Ismail Kadare, të cilit i referohej si “IsmaEl”.
Me emra e mbiemra mirë nuk qëndron as ministrja e Arsimit, Arbërie Nagavci, që nganjëherë shton shkronja, madje nga disa sosh.
Edhe kjo e pati një ngatërresë me kryetar komune, duke ia përzier e ndryshuar emër e mbiemër, ani se e ka bashkëpartiak.
