Plutoni i Inxhinierëve Italianë, pjesë e Komandës Rajonale Perëndim (RC-W) të misionit KFOR të udhëhequr nga NATO, realizoi punime për pastrimin e një kanali mbi 50 metra dhe rindërtimin përkatës të brigjeve. Zona e prekur nga punimet e inxhinierëve ushtarakë ndodhet në fshatin Treboviq, në komunën e Pejës.
Në përfundim të punimeve, ishin të pranishëm komandanti i Komandës Rajonale Perëndim, Kolonel Rocco Mundo, dhe kryetari i komunës së Pejës, z. Gazmend Muhaxheri, të cilët falënderuan KFOR-in për ndihmën e vazhdueshme të dhënë për komunën e tij.
Punimet u kryen nga një pluton i Regjimentit të 4-të të Inxhinierisë nga Palermo, pjesë e Brigadës “Aosta” nga Mesina.
KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të qetë për të gjithë njerëzit dhe komunitetet që jetojnë në Kosovë, si dhe për lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe EULEX-in (Misionin e Bashkimit Evropian për Sundimin e Ligjit në Kosovë) në rolet e tyre përkatëse si përgjegjës për sigurinë.
