Për herë të parë që nga viti 1996, nxënës shqiptarë të shkollave të Deçanit, sot kanë realizuar një vizitë në Manastirin e Deçanit. Kjo iniciativë ishte ndërmarrë nga Komandanti i KFORit në Komanden Rajonale të Perëndimit, Kolonel Rocco Mundo dhe është mbështetur nga kryetari i Deçanit Bashkim Ramosaj dhe përgjegjësi i Manastirit të Deçanit, At Sava Janjiq.
Ky aktivitet shënojë një kthim të rëndësishëm në përmirësimin e marrdhënieve midis komunitetit Ortodoks Serb dhe komunës së Deçanit të cilat ishin pothuajse të ngrira për shumë vite, kanë thënë përfaqësuesit e KFORit, të komunës së Deçanit dhe Manastirit.
Ky aktivitet i cili nga shumë kush mund të konsiderohej pothuajse utopik, arriti që të prezantoj para fëmijëve trashëgiminë kulturore ortodokse dhe t’ju tregoj atyre se kjo trashegimi është edhe e atyre.
Në këtë aktivitet morën pjesë 34 nxënës të moshës 9-13 vjeçare të cilët ishin të përcjellur nga tre mësues dhe një përfaqësues i komunës së Deçanit.
Takimi u zhvillua në një atmosferë të këndshme dhe miqësore, fëmijët ishin kuriozë, ata i bënë shumë pyetje At Petarit gjatë shpjegimit rreth Manastirit.
Në fund, përfaqësuesi i komunës dhe At Petar u pajtuan që vizita të ngjashme të organizohen edhe në të ardhmen dhe së bashku të punohet për të ndërtuar një të ardhme paqësore.
