Zëvendëskryeministri Besnik Bislimi ka marrë pjesë në një ngjarje të organizuar nga Ambasada e Republikës së Shqipërisë në Washington me rastin e 112-vjetorit të pavarësisë dhe 80-vjetorit të çlirimit të vendit.
Zyra e Kryeministrit njoftoi se aty ai u takua edhe me zëvendësndihmës sekretarin e SHBA-së për Ballkanin Perëndimor, Alexander Kasanof.
“Gjatë ngjarjes, Zëvendëskryeministri pati kënaqësinë të takojë edhe Zëvendës Ndihmës Sekretarin për Ballkanin Perëndimor nga Departamenti Amerikan i Shtetit, Alexander Kasanof, ambasadorë, diplomatë dhe pjesëtarë të diasporës shqiptare në Shtetet e Bashkuara të Amerikës”, thuhet në njoftim.
Aty, Bislimi ishte i shoqëruar nga ambasadori Kosovës në Washington D.C., Ilir Dugolli.
