89 
Një shtetas i Shqipërisë është plagosur në fshatin Nec të Gjakovës, ndërsa ndodhet jashtë rrezikut për jetën.
Ngjarja është konfirmuar nga drejtori i Policisë për rajonin e Gjakovës, Lumni Graishta.
Ai tha se ende nuk dihen motivet që çuan në incidentin e rëndë
Sipas deklaratave të viktimës dhënë organeve të rendit, dy persona e kanë sulmuar pasi fillimisht i kishin kërkuar ndihmë duke pretenduar se automjeti i tyre kishte defekt.
Viktima pohon se të dyshuarit e kanë goditur me shufra metalike dhe më pas e kanë plagosur me armë zjarri.
Policia po vijon hetimet për të zbardhur rastin
