Anëtari i kryesisë së Partisë Demokratike të Kosovës, Genc Prelvukaj, do jetë pjesë e listës së kandidatëve për deputetë të kësaj partie, në zgjedhjet parlamentare të 9 shkurtit.
Këtë e konfirmoi vet ai ekskluzivisht për klankosova.tv gjatë një interviste ku shtjelloi vizionin dhe planet e tij për një Kosovë më të zhvilluar.
Megjithatë, Prelvukaj nuk hezitoi të adresojë kritika ndaj qeverisjes aktuale, duke e akuzuar për varfërimin e politikës së jashtme të Kosovës dhe përkeqësimin e standardit jetësor të qytetarëve.
Pretendenti i PDK-së për karrigen e deputetit, paralajmëroi angazhime konkrete për ndryshime të prekshme në qeverisjen e ardhshme, duke përfshirë rikthimin e fokusit tek interesat e qytetarëve dhe fuqizimin e Kosovës në arenën ndërkombëtare.
Kandidatura e Genc Prelvukajt, shënon një angazhim të ri për PDK-në, me synimin për të ofruar alternativa të reja politike dhe për të adresuar sfidat kryesore të vendit.
Zgjedhjet e 9 shkurtit priten të jenë një moment i rëndësishëm për të ardhmen politike të Kosovës, dhe Genc Prelvukaj premton të jetë një zë i fuqishëm në përfaqësimin e interesave të qytetarëve në Kuvend.
