59 
Reshjet e shumta të shiut dhe stuhitë që kanë vazhduar gjatë natës së kaluar në zonat malore, kanë shkaktuar probleme të konsiderueshme me furnizimin me energji elektrike në rrethin e Skraparit dhe atë të Kuçovës.
Si pasojë e erërave të forta, fidri nr.9 në nënstacionin e Çorovodës është dëmtuar, duke shkaktuar daljen jashtë funksionit të dy kabinave elektrike. Sipas burimeve nga OSHEE Berat, 40 abonentë në fshatrat e thella malore, përfshirë Leshnje, Potom, Kostren dhe Tomorr, kanë mbetur pa energji për disa orë.
Dëmtime të linjave të shpërndarjes së energjisë janë raportuar gjithashtu në rrethin e Kuçovës, ku fidri 13/6 kV në nënstacionin e Kuçovës ka pësuar dëme për shkak të erërave dhe shiut të pandërprerë.
