Profesori dhe analisti, Blerim Latifi ka komentuar fjalimin e kryetarit të VV’së, dhe njëherësh kryeministrit Albin Kurti në tubimin e partisë së tij, ku prezantoi kandidatët për deputetë.
Latifi në emisionin ‘Pressing’ në T7 tha se Kurti bëri atë që e bën tash e një kohë, pra sipas tij, sulmoi mediat dhe analistët.
“Nuk i marrë si kriter numrin e pjesëmarrësve në të tilla tubime, shkak që partitë e mëdha nuk e kanë problem me organizu një tubim të tillë.
Sa i përket fjalimit të Kurtit, është i strukturuar në tri pjesë, në pjesën e parë në përmbledhje të saj ishin një tërësi moralizimesh mbi politikën, na tregonte cka është shteti, cka është qeverisja, nuk kishte një ekspoze të qeverisë së tij të 4 viteve të kaluara
Në pjesën e dyte, me i sulmu mediat, analistët, edhe e përfundoi krejt atë punë me teorinë klasike, teorinë e sabotazhit, për me i justufiku dështimet duke ia atribuu fajin dikujt tjetër”, tha Latifi.
