Trajneri i Chelseat, Enzo Maresca ka lënë të kuptohet se një nga nënshkrimet e tij gjatë verës mund të largohet nga klubi pas vetëm gjashtë muajsh.
Gjatë afatit kalimtar të verës, Cheslea shpenzoi sërish shumë pasi solli lojtarë si Pedro Neto, Joao Felix, Renato Veiga, Marc Guiu, Tosin Adarabioyo dhe Kiernan Dewsbury-Hall.
Nën drejtimin e shefit të ri Maresca, Blutë kanë bërë një fillim të fortë të sezonit pasi aktualisht janë dy pikë prapa liderit Liverpool në tabelën e Premierligës.
Chelsea do të shkojë në krye të tabelës nëse mposht Evertonin në Stamford Bridge të dielën pasdite, me Liverpoolin që fillon kundër Tottenham Hotspur më pas.
Me dritaren e transferimeve të janarit në horizont, Maresca ka pranuar se nënshkrimi i verës Dewsbury-Hall mund të largohet për shkak të kohës së kufizuar të lojës.
