Shërbimi Klinik Universitar i Kosovës kanë dalë me një sqarim për raportimet se ka vdekur një fëmijë i moshës 1 vjeç. SHSKUK në bazë të informacioneve të marra nga Spitali i Gjakovës dhe Klinika Infektive në QKUK sqaron së fëmija ishte dërguar fillimisht në Gjakovë në gjendje shumë të rënduar.
SHSUK tregon se menjëherë pasi fëmija ka marrë trajtim në Spitalin e Gjakovës, ai është nisur për trajtim në QKUK si rast emergjent.
Sipas raportit të Klinikës Infektive, SHSKUK njofton se fëmiu me autoambulancë është sjell në ora 22:50 në Klinikën Infektive, me gjendje shumë të rënduar, me diagnozë sepsis meningococica (infeksion i rëndë që kishte përfshirë krejt sipërfaqen trupore).
“Nga mjekët kujdestar fëmiut menjëherë i ofrohet gjithë kujdesi i nevojshëm mjekësor dhe dërgohet në Repart për reagim të shpejtë, pa humbur kohë me procedura administrative në pranim.Fëmiu vendoset në oksigjeno-terapi, bazuar në protokollet mjekësore.Përkundër masave reanimatore, gjendja e fëmiut vazhdimisht rëndohej edhe me rënie parametrave vital, ku në ora 23:40 përkundër kujdesit të vazhdueshëm, fëmiu vdes”, njofton SHSKUK.
Postimi i plotë:
