Në një postim në rrejtet sociale, kryetari i LDKsë, Lumir Abdixhiku ka njoftuar se tashmë janë regjistruar 25.000 mbështetës të kësaj partie nga mërgimi për të votuar në zgjedhjet e 9 Shkurtit.
Ndër të tjera ai ka thënë se, citim: “Po ju njoftoj, lajmëroj, e kumtoj, se në regjistrimin e votuesve në mërgatë, në bazë të të gjithë të dhënave të strukturave tona, Lidhja Demokratike e Kosovës, prinë me numrin e mbështetësve e votuesve të regjistruar për në zgjedhjet e shkurtit”, ka shkruar Abdixhiku.
Sipas Abdixhikut, “nga 60 mijë të regjistruar gjithsejtë, plot 25 mijë janë anëtarë e mbështetës tanë. Ata, së shpejti do të jenë dhe votues tanë të ardhshëm; votues të ndryshimit të madh kombëtar!”
Ai e ka shfrytëzuar këtë rast që të bëj thirrje mbështetësve që të vazhdojnë edhe në tri ditët e ardhshme që të regjistrohen dhe ta shfrytëzojnë të drejten e tyre për të votuar.
“Ju ftoj, që të tri ditët e mbetura, t’i vazhdojmë angazhimet për regjistrim; dhe kështu, ndryshimin që e ndjejmë brenda, ta mbajmë të barabartë me ndryshimin që na vjen nga mërgata!”, ka shkruar Abdixhiku!
Postimi i plotë:
MËRGATA PËR NDRYSHIM! 💙💜
🔥25,000 mbështetës tanë të regjistruar në Mërgatë deri më tani!
Edhe 3 ditë të mbetura!
Vazhdojmë! Regjistrohuni!
“Dhe këtu, në këtë përvjetor të 35-të, më lejoni që të shpreh falënderimin e veçantë për bashkatdhetarët tanë, që tashmë kanë nisur uraganin e ndryshimit me regjistrim.
Po ju njoftoj, lajmëroj, e kumtoj, se në regjistrimin e votuesve në mërgatë, në bazë të të gjithë të dhënave të strukturave tona, Lidhja Demokratike e Kosovës, prinë me numrin e mbështetësve e votuesve të regjistruar për në zgjedhjet e shkurtit.
Gjersa flasim sot këtu, nga 60 mijë të regjistruar gjithsejtë, plot 25 mijë janë anëtarë e mbështetës tanë. Ata, së shpejti do të jenë dhe votues tanë të ardhshëm; votues të ndryshimit të madh kombëtar!
Ju ftoj, që të tri ditët e mbetura, t’i vazhdojmë angazhimet për regjistrim; dhe kështu, ndryshimin që e ndjejmë brenda, ta mbajmë të barabartë me ndryshimin që na vjen nga mërgata!”
