Reshjet e borës kanë bllokuar rrugën që çon për në Brezovicë. Në adresë të gazetës online Reporteri.net kanë ardhur pamje të veturave që kanë mbetur të bllokuara si pasojë e mospastrimit të rrugës.
Për pasojë turistët që kanë bërë rezervimet për të shijuar natyrën e Brezovicës janë detyruar të anulojnë prenotimet që kanë bërë. Përpos rrugëve të papastruara, ata kanë thënë se në Brezovicë ka edhe mungesë të energjisë elektrike.
Reshjet e borës dhe temperaturat e ulëta në Kosovë po vazhdojnë që nga fillimi i javës.
