Në njërin rast në rrugën Pejë-Rugovë, udhëkryqi Milishec, policia gjatë patrullimit kanë ndaluar automjetin me targa të Kosovës. Gjatë kontrollimit sipas policisë në një çantë është gjetur dhe sekuestruar një pistoletë me një karikator me 10 fishekë dhe një kuti me municion prej 40 copë fishekë.
“Policia gjatë patrullimit kanë ndaluar automjetin me targa vendore të cilin e drejtonte i dyshuari mashkull kosovar dhe gjatë kontrollimit në një çantë i është gjetur dhe sekuestruar një pistoletë me një karikator me 10 fishekë si dhe një kuti me municion prej 40 copë fishekë. I dyshuari nuk kishte leje për armëmbajtje, por vetëm një leje për rekreacion-shenjëtari. Pas intervistimit me urdhër të prokurorit, i dyshuari është liruar, rasti vazhdon në procedurë të rregullt”, thuhet në njoftim.
Gjithashtu, në rrugën Pejë-Rugovë, policia gjatë patrullimit kanë ndaluar automjetin me targa të Kosovës teksa gjatë kontrollimit në një çantë i është gjetur dhe sekuestruar një pistoletë me një karikator me 17 fishekë. I ndaluari nuk kishte leje për armëmbajtje por pas procedurave është liruar./Euronews Albania
