“Neroazurët” kaluan në epërsi në minutën e 53-të, kur Nikolo Barela harkoi dhe Alesandro Bastoni, me një goditje me kokë nga shtylla e dytë, dërgoi topin në rrjetë.
Barela e meritoi shpërblimin e lojtarit të ndeshjes pasi që me asistimin e tij të dytë në minutën e 71-të ia mundësoi Lautaro Martinez të shënoj për 0:2. Argjentinasi më në fund me këtë gol ndërpreu thatësirën e tij të golave, që zgjati 10 ndeshje duke përfshirë të gjitha garat.
Rezultatin përfundimtar të ndeshjes në stadiumin “Unipol Domus” e vulosi Hakan Çalhanoglu me një gol nga penalltia në minutën e 78-të.
Interi tani është në vendin e parë të tabelës me 40 pikë nga 17 ndeshje, po aq sa Atalanta, e cila gjithashtu ka 17 ndeshje të zhvilluara, por sonte luan si mysafire ndaj Lacios. Kaljari është në vendin e 18-të me 14 pikë.
