Kim Kardashian është kritikuar ashpër nga ndjekësit pas publikimit të një videoje ku ajo shfaqet duke kërcyer me vajzën e saj, North West, e cila është vetëm 11 vjeçe.
Në video, Kim është veshur me një fustan të gjatë me model gjarpri, ndërsa North ka veshur një këmishë të bardhë me kravatë, një xhaketë të zezë të shkurtër, një fund të shkurtër dhe çizme të larta, duke kërcyer me hitin festiv të Ariana Grande, Santa Tell Me.
Ndërkohë që videoja mund të ketë pasur qëllimin e argëtimit, shumë nga ndjekësit e Kardashian kanë shprehur shqetësimin e tyre, duke thënë se North “duket shumë më e madhe se mosha e saj e vërtetë”. Komentet në rrjetet sociale kanë shpërthyer, me përdoruesit që e quajnë të papërshtatshme këtë lloj sjelljeje, duke theksuar se veshja e fëmijës është tepër e rritur për moshën e saj.
Një përdorues shkroi: “North West është vetëm 11 vjeç. Kim Kardashian tashmë ka nisur ta ‘transformojë’. Është tronditëse të shohësh këtë lloj sjelljeje, sidomos pas përpjekjeve për mbrojtjen e fëmijëve.” Disa komente të tjera ishin më të drejtpërdrejta: “Nuk është e përshtatshme që një fëmijë 11-vjeçar të veshë një fund kaq të shkurtër” dhe “Mos seksualizoni fëmijët tuaj. Është e trishtueshme dhe shqetësuese”.
Shumë kritikë shprehën shqetësimin se kjo mund të ndikojë negativisht tek North, duke thënë se ajo po shfaqet më shumë si një e rritur sesa si një fëmijë 11-vjeçar.
