Kryetari i Komunës së Istogut, Ilir Ferati, ka mirëpritur sot Ministrin e Administrimit të Pushtetit Lokal, Elbert Krasniqi, në një takim të rëndësishëm gjatë të cilit u nënshkrua marrëveshja për Grantin e Performancës Komunale.
Ky grant synon të mbështesë zhvillimin e projekteve kapitale që do të ndikojnë drejtpërdrejt në përmirësimin e jetës së qytetarëve.
Komuna e Istogut, përmes Facebook-ut, ka bërë të ditur se me anë të këtij takimi është nënshkruar marrëveshja për Grantin e Përformanës Komunale.
“Sot, Kryetari i Komunës së Istogut Ilir F. Ferati priti në takim Ministrin e Administrimit të Pushtetit Lokal, z. Elbert Krasniqi, me ç’rastë nënshkruan marrëveshjen për Grantin e Performancës Komunale, e cila siguron mbështetje të rëndësishme për zhvillimin e projekteve kapitale në komunën tonë”, kanë shkruar ndër të tjera komuna
Ky grant, i financuar nga MAPL në bashkëpunim me donatorët ndërkombëtarë, si Bashkimi Evropian, Zvicra, Suedia, Norvegjia dhe i mbështetur nga programi DEMOS, është një shpërblim për standardet e larta të performancës së komunës në qeverisje dhe ofrimin e shërbimeve publike.
Mjetet e përfituara pritet të përdoren për zbatimin e projekteve të rëndësishme që do të sjellin përparim dhe zhvillim në Istog
