Tash e një kohë kryministri Albin Kurti nuk po do të paraqitet në Prokurori duke kërkuar që ai të intervistohet në Qeveri. Ky këtë po e bën me arsyetimin se edhe në të kaluaren ka ndodhur që kryeministri të intervistohet në zyren e tij, duke aluduar në Ramush Haradinajn për rastin e veteranëve.
Kjo u dëshmu edhe nga një postim i Rron Gjinovcit por për këtë ka reaguar avokati Arianit Koci. Ai ka replikuar në postimin e Rron Gjinovcit për të treguar se Ramushi është intervistuar në gjykatë ndërsa në zyren e tij janë konfiskuar dokumenta.
Komenti i plotë i Kocit: Rron Gjinovci, te rasti i Veteranëve të Luftës, ngjarja ka ndodhur kështu: Unë e kam propozuar Ramushin si dëshmitar, dhe kërkesa ime është aprovuar nga Gjykata. Ramushi ka ardhë në gjykatë dhe unë e kam marrë në pyetje. Gjykimi ka qenë publik. Sa i përket prokurorit Blakaj, gjatë gjykimit është përmendur që ai ka qenë në Kryeministri për të marrë/konfiskuar formularët dhe dokumentet që lidhen me lëndën e sipërpërmendur.
