“Noizyn e kam mik që nga mosha 15-vjeçare. Njerëzit nuk e dinë këtë, por kemi një miqësi të vjetër,” tha ajo gjatë një interviste të fundit.
Gjatë bisedës, Tayna tregoi se kënga e tyre e përbashkët u realizua në një periudhë kur ajo kishte vendosur të shkëputej nga skena. “Në atë kohë njerëzit mendonin se nuk do të këndoja më, por disa persona të afërt si Loredana dhe Noizy e dinin që po përgatitesha për t’u rikthyer,” shtoi ajo.
Sa i përket të ardhmes së saj artistike, Tayna u shpreh se aktualisht nuk është pjesë e ndonjë label-i muzikor dhe nuk ka plan ta bëhet.
“Kam krijuar një ekip timin dhe secili ka punën e tij specifike. Ndoshta në të ardhmen do të zgjeroj këtë platformë dhe do të ndihmoj artistë të rinj, por për momentin fokusi im është vetëm te projektet personale,” përfundoi reperja.
