Objekti i Qendrës Kryesore i Mjekësisë Familjare në Mitrovicë u përurua sot.
Shiriti e këtij objekti e prenë dy investitorët që e përkrahën financiarisht këtë projekt, pra kryetari i komunës së Mitrovicës, Bedri Hamza dhe donatori Halil Kastrati, njofton Klankosova.tv.
Sipas gazetares Bardha Shala, pas prerjes së shiritit, si Hamza ashtu dhe Kastrati mbajtën nga një fjalim, ku u shprehën tejet të kënaqur që mundësuan hapjen e këtij objekti, i cili për qytetarët e Mitrovicës do të jetë shumë i nevojshëm.
Ata u shprehën se ndërtesa e QKMF-së është ndër objektet më unike dhe më të mëdha në Ballkan, i cili do t’i ofrojë shërbimet e nevojshme shëndetësore për qytetarët e Mitrovicës dhe jo vetëm.
