Në Golden Globes 2025, Vin Diesel dhe Dwayne Johnson, pas disa vitesh tensione, duket se kanë arritur një pajtim të mundshëm.
Aktori i Fast and Furious doli në podium për të dorëzuar çmimin për Kinematografinë dhe Arritjen e Box Office, duke shfrytëzuar mundësinë për të përshëndetur Johnson-in.
Ndërsa Diesel shihte Johnson-in, i njohur si “The Rock”, ai buzëqeshi dhe tha, “Hej, Dwayne”, një përshëndetje që u prit me një buzëqeshje nga Johnson, i cili e ktheu përshëndetjen dhe bëri një lëvizje të mirënjohur.
Grindja mes dy aktorëve kishte nisur në vitin 2016 gjatë xhirimeve të The Fate of the Furious, dhe që atëherë ata nuk ishin parë bashkë as në turne shtypi e as në filma të tjera. Sidoqoftë, kjo përshëndetje e ngrohtë në Golden Globes duket se tregon se grindja disavjeçare mes dyshes është lënë pas.
