Në episodin e parë “Dinjiteti i Mohuar”, të dokumentarit “Rrëfime të Heshtura”, me autor Sefer Zogaj, prodhim i Sbunker, është trajtuar tema e mosrespektimit të të drejtave të punëtorëve në Sektorin Privat.
Disa punëtorë në kushte anonimiteti kanë rrëfyer për kushtet e vështira me të cilat janë përballur në sektorë të ndryshme në Kosovë.
Pagat e ulëta, presionet në punë, përjashtimet arbitrare, janë disa nga shqetësimet e shprehura.
Ligji i Punës është baza ligjore ku rregullohen raportet punëdhënës-punëmarrës, por Sindikata e Punëtorëve të Sektorit Privat thotë se nuk po zbatohet, ndërkaq Oda Ekonomike pretendon se zbatimi i këtij ligji është në plotni
Ndërkaq, shteti përmes Inspektoratit të Punës obligohet të mbikëqyrë dhe ndëshkojë shkeljet e këtyre të drejtave, ndonëse ironikisht edhe Inspektorati i Punës nuk ka kushte të mjaftueshme për punë.
