Partia në pushtet, Lëvizja Vetëvendosje ka vendosur që të bojkotojë tri debatet kryesore televizive, Pressing (T7), Rubikon (Klan Kosova) dhe Debat Plus(Dukagjini).
Për këto bojkote, Agon Maliqi, analist, ka thënë se mediat në Kosovë janë në anën e demokracisë.
E për pushtetin thotë se kur ishte në opozitë ishte e pranishme në këto media, e tash si pushtet i bojkoton ato.
Sipas Maliqit kjo qartazi tregon për tiptare totalitare të pushtetit.
“Televizionet tona kanë mangësi, por ato janë arenë e demokracisë sonë … e tillë çfarë është: e papërkryer. Ishin po këto televizione me po këta pronarë që e katapultuan Kurtin në pushtet dhe nuk ia kursyen kritikat pushteteve të mëparshme. T’i bojkotosh sot debatet televizive dhe përballjen me kritikën ndaj qeverisjes, pasi ke pasur terren krejt të lirë në këto media si opozitar, kjo dëshmon se je jo vetëm arrogant dhe përbuzës ndaj votuesve, por je qartazi edhe i thellësisht i pasigurt dhe me tipare totalitare”, ka shkruar Maliqi në Facebook
