Ish- mesfushori i Arsenalit, Emmanuel Petit i ka këshilluar Topçinjtë që të braktisin ndjekjen e anësorit të Athletic Bilbaos, Nico Williams.
Sipas tij, Gunners duhet të synojnë Marcus Rashfordin e Manchester United.
Petit, i cili luajti për Arsenalin nga viti 1997 deri në vitin 2000, beson se Williams nuk ka gjasa të bashkohet me Gunners, edhe nëse largohet nga Bilbao
“E di që Nico Williams ka qenë i lidhur, por më është thënë se ai kurrë nuk do të vijë në Ligën Premier nëse largohet nga Athletic Bilbao, ai do të shkonte vetëm te Barcelona”, deklaroi Petit për DisCasino.
Në vend të kësaj, Petit rekomandon që trajneri i Arsenalit, Mikel Arteta të konsiderojë transferimin e Rashford, i cili është lidhur me një largim nga Old Trafford
“Marcus Rashford do të ishte një nënshkrim interesant për Arsenalin”, shtoi Petit.
Sulmuesi anglez e kërkon largimin nga Djajtë e Kuq, ndërsa Milani dhe Dortmundi janë në bisedimet për afrimin e tij.
