Kandidati për kryeministër nga Lidhja Demokratike e Kosovës (LDK), Lumir Abdixhiku, ka vazhduar takimet me qytetarë të shumtë ndërsa Kosova i afrohet zgjedhjeve të 9 shkurtit.
Ndalesa e radhës ishte në Hajvali, ku një numër i madh i simpatizantëve u mblodhën për të dëgjuar vizionin e Abdixhikut për Prishtinën
Edhe në këtë tubim, Abdixhiku prezantoi planin ambicioz të LDK-së për të investuar 1.5 miliard euro në kryeqytet, duke përfshirë projekte si: Unaza e Kryeqytetit, Stadiumi i Ri dhe Qendra e Sportit, Parku Teknologjik dhe Spitali i Ri, Mësimi Tërëditor, etj.
“Me 1.5 miliard euro investime për Prishtinën, me transformimin rrënjësor me Unazën e Kryeqytetit; Stadiumin e Ri e Qendrën e Sportit, me Parkun Teknologjik e Spitalin e Ri, me mësim tërëditor për 28 mijë fëmijë në Kosovë – Prishtina, banorët e Kryeqytetit më 9 shkurt e fitojnë shtetin që i bllokonte për 4 vjet rresht! 1.5 miliard euro për Prishtinën! Ky është zotimi ynë!”, ka shkruar mes tjerash Abdixhiku
