Pirja e lëngut të freskët të portokallit çdo ditë është një zakon i lidhur me shumë përfitime shëndetësore.
Portokallet janë një burim i shkëlqyer i vitaminës C dhe lëndëve të tjera ushqyese të rëndësishme që mund të ndihmojnë në funksionimin e duhur të trupit.
Ruan hidratimin
Nëse jeni duke kërkuar për një mënyrë më të shijshme për të qëndruar të hidratuar, lëngu i portokallit mund t’ju ndihmojë. Ai përmban 85% ujë, ndërkohë që ofron minerale thelbësore që kontribuojnë në ekuilibrin e elektroliteve. Hulumtimet tregojnë se konsumimi i tij mund të rrisë nivelet e hidratimit në trup.
Zëvendësues i mirë i frutave
Shumë njerëz nuk konsumojnë fruta të mjaftueshme çdo ditë. Një gotë me lëng portokalli të freskët mund të konsiderohet si një porcion frutash dhe përmban sasi të konsiderueshme të vitaminës C, tiaminës dhe lëndëve të tjera ushqyese që ju nevojiten.
Ul nivelet e kolesterolit
Hulumtimet kanë treguar se pirja e lëngut të portokallit çdo ditë mund të ndihmojë në uljen e kolesterolit “të keq” (LDL), duke përmirësuar gjithashtu raportin midis kolesterolit “të keq” dhe “të mirë”.
Promovon shkëlqimin e lëkurës
Vitamina C që përmban lëngu i portokallit është thelbësore për sintezën e kolagjenit, i cili kontribuon në ruajtjen e elasticitetit dhe shkëlqimit të lëkurës. Veprimi i tij antioksidant gjithashtu ndihmon në mbrojtjen kundër dëmtimeve të shkaktuara nga rrezatimi UV dhe parandalon shenjat e plakjes.
Humbja e fibrave
Edhe pse lëngu i portokallit është plot me lëndë ushqyese, ai nuk përmban fibrat që ofron i gjithë fruti. Një portokall ka rreth 3 gram fibra, ndërsa lëngu vetëm 0,5 gram. Për të kompensuar këtë mangësi, është mirë të përfshini në dietën tuaj burime të tjera të fibrave bimore.
Shtim i mundshëm në peshë
Lëngu i portokallit përmban më shumë kalori sesa i gjithë fruti, gjë që mund të kontribuojë në shtimin e peshës nëse konsumohet në sasi të mëdha. Është e rëndësishme të mbani mend se sheqeri në lëng mund të rrisë kaloritë, veçanërisht nëse jeni duke pirë lëng të gatshëm komercial.
Mbrojtje e kufizuar imune
Edhe pse vitamina C mund të përmirësojë shëndetin dhe të forcojë trupin, ekspertët vërejnë se efekti i saj te ftohja e zakonshme është i kufizuar. Megjithëse mund të ndihmojë njerëzit që ushtrojnë me forcë, kontributi i tij në parandalimin e sëmundjeve për një person mesatar nuk është aq i fortë.
Edhe pse konsumimi i përditshëm i lëngut të freskët të portokallit ka përfitime të qarta, është e rëndësishme ta kombinoni atë me një dietë të ekuilibruar dhe ta konsumoni me moderim.
