Kryeministri i Kosovës, Albin Kurti sërish ka sulmuar opozitën, kësaj radhe nga tubimi elektoral në Ferizaj.
Kurti tha se “LDK-ja është bërë si PDK-ja” e “PDK-ja si LDK-ja”, sipas tij, sot “LDK-ja është e kundërta e Rugovës, e PDK-ja e kundërta e UÇK-së.
Edhe pse tash e 4 vjet në pushtet Kurti e cilësoi opozitën si “ndryshk”.
“Këta të LDK-së janë bërë si PDK-ja, pare edhe reklamë e kundërta e Rugovës. E këta PDK-së janë bërë si LDK-ja, pacifiste e hutuem e kundërta e UÇK-së. PDK-ja është bërë si LDK-ja, e LDK-ja si PDK-ja. E sa më shumë që bëjnë gara për vendin e dytë, qaq më shumë njëjta po bëhen sepse ndryshimi është Vetëvendosja, sepse ndryshimi ka ndodh më 14 shkurt 2021, sepse ndryshimi vazhdon, ndryshimi forcohet më 9 shkurt 2024. Sepse, PDK, LDK, e PDK e LDK nuk janë ndryshimi, por janë ndryshku që mbaroi e shkojë”, ka thënë Kurti ndër tjerash
Ndërsa, partitë opozitare LDK dhe PDK konsiderojnë se Kurti është në gjendje paniku.
