Gjatë ditës së diel, në Podujevë, Policia ka kryer bastisje në shtëpinë dhe objektet përcjellëse të një të dyshuari, ku i kanë gjetur dhe sekuestruar rreth 2 kilogramë substancë të dyshuar narkotike të llojit marihuanë, 75 fishekë, shtatë peshore, një radiolidhje dhe mbështjellës të ndryshëm të substancave narkotike.
Sipas policisë, lidhur me rastin janë intervistuar dy persona në cilësinë e dëshmitarit.
“Në koordinim me prokurorin është kryer bastisje në shtëpinë dhe objektet përcjellëse pronë e të dyshuarit mashkull kosovar ku janë gjetur dhe sekuestruar 1.994 kg. substancë e dyshuar narkotike e llojit marihuanë, 75 fishekë kalibrash të ndryshëm, 7 peshore të ndryshme, mbështjellës të ndryshëm për të substancave narkotike dhe një radio-lidhje. Lidhur me rastin në cilësi të dëshmitarëve janë intervistuar dy persona”, thuhet në raportin e policisë.
