Pjesëtarë të Forcës së Sigurisë së Kosovës kanë marrë trajnime për qitje me snajperë nga ushtarë turq në kuadër të KFOR-it, raportoi “Daily Sabah”.
Trajnimi, siç u tha, ka të bëjë me përpimirësimin e kapaciteteve operacionale të FSK-së.
Në deklaratën e Forcës së Sigurisë së Kosovës (FSK) thuhet se trajnimi është kryer në bashkëpunim me Forcat e Armatosura Turke (TSK) për të përmirësuar gatishmërinë e FSK-së për operacione të menaxhimit të krizave, mbrojtjes civile dhe reagimit emergjent.
Që nga viti 1999, trupat turke kanë mbështetur misionet e KFOR-it dhe kanë kontribuar në zhvillimin e FSK-së, me shumë armë të prodhimit turk në inventarin e FSK-së.
Në dhjetor të vitit 2024, qeveria e Kosovës nënshkroi një marrëveshje me kompaninë turke të mbrojtjes MKE për krijimin e një fabrike për prodhimin e municioneve të kalibrave të ndryshëm, e cila pritet të fillojë së shpejti.
