Ambasadori i Shqipërisë në Kosovë, Petri Malaj, thotë se figura e Ibrahim Rugovës mbetet shembulli më i lartë i mençurisë politike dhe përkushtimit për paqe e dinjitet njerëzor.
Pasi bëri homazhe te varri i Rugovës në 19-vjetorin e vdekjes së tij, Malaj thotë më tej në “X”, se Ambasadës së Republikës së Shqipërisë në Prishtinë dhe të popullit shqiptar, shpreh mirënjohjen dhe nderimet më të thella për veprën e tij.
“Sot nderuam dhe përkujtuam me përulje dhe respekt Presidentin Ibrahim Rugova, personalitetin e jashtëzakonshëm që udhëhoqi me urtësi dhe vizion popullin e Kosovës në rrugën drejt lirisë dhe pavarësisë. Figura e Dr. Rugovës mbetet shembulli më i lartë i mençurisë politike dhe përkushtimit për paqe e dinjitet njerëzor. Trashëgimia e tij jeton sot përmes Kosovës së lirë dhe sovrane, ndërsa brezat e ardhshëm do të vazhdojnë ta kujtojnë dhe nderojnë kontributin e tij të jashtëzakonshëm. Në emër të Ambasadës së Republikës së Shqipërisë në Prishtinë dhe të popullit shqiptar, shpreh mirënjohjen dhe nderimet më të thella për veprën e tij. Lavdi veprës dhe kujtimit të përhershëm të Dr. Ibrahim Rugovës”, ka shkruar Malaj
