Sela: 19 vjet në kujtim të Presidentit historik, Dr.Ibrahim Rugova

by Nexhat

Kryetari i Aleancës për shqiptarët në Maqedoninë e Veriut Ziadin Sela, përmes një shkrimi në rrjetin social “facebook” e ka përkujtuar ish-presidentin e Kosovës, Ibrahim Rugova.

Në përvjetorin e vdekjes së ish-presidentit, Sela tha se Rugova ka qenë personalitet i jashtëzakonshëm.

banner

Sela ka shtuar për Presidentin historik Rugova se ai ishte zëri i vërtetë dhe i fuqishëm i një populli që kërkonte lirinë, që arriti të jehojë edhe në zyrat më të rëndësishme vendimmarëse në botë. Presidenti Rugova me urtësinë e tij, aftësitë e një diplomati të pashoq, arriti të ndërkombëtarizojë kauzën kombëtare të shqiptarëve të Kosovës, por edhe të gjithë shqiptarëve që kishin jetuar nën ish Jugosllavi.

“Me rezistencën paqësore, punën e vazhdueshme dhe pjekurinë politike fitoi vëmendjen dhe mbështetjen e fuqive botërore, Shteteve të Bashkuara të Amerikës dhe vendeve europiane, duke i bërë ata aleat të Kosovës dhe gjithë kombit shqiptar”

Tutje politikani i njohur shqiptar nga Maqedonia e Veriut ka shkruar se Dr.Ibrahim Rugova do të kujtohet përjetësisht si një shembull i rrallë i vetëdijes së lartë kombëtare, patriotizmit, politikanit modern, filozofit e liderit që diti të udhëheq popullin në momentet më të vështira. Ai arriti të krijojë institucione kur regjimi i mbyllte ata me dhunë, mbajti gjallë frymën e unitetit dhe përgaditi kombin për çdo moment që do pasonte më pas deri në çlirimin dhe Pavarësinë e Kosovës/ Informim.net

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy