Ish-sulmuesi i Manchester Cityt, Sergio Aguero ka ndarë mendimet e tij për perspektivën e Arsenalit në Ligën Premier nën drejtimin e Mikel Arteta.
Aguero beson se skuadra e Arsenalit ka përparuar nën urdhrat e Artetës dhe shumë shpejt do ta fitojë titullin e Ligës Premier
“Nuk e kuptoj pse Mikel Arteta duhet të ndihet nën presion”, ka thënë fillimisht Aguero.
“Shikoni se ku ishte Arsenali para se ai të vinte dhe se si ata kanë evoluar nën drejtimin e tij”.
“Ata kanë qenë vazhdimisht duke konkurruar në krye, gjë që nuk është e lehtë kur përballesh me skuadra si Manchester City dhe Liverpool, të cilët gjithashtu po përpiqen fort për trofeun”.
“Arsenali, që nga hyrja në këtë cikël të ri, është treguar vazhdimisht. Ata kanë lojtarë të mrekullueshëm dhe një stil të ri të lojës. Tifozët duhet të jenë të kënaqur me përparimin”
“Jam i sigurt se fitimi i Ligës Premier është qëllimi i tyre përfundimtar dhe besoj se do të ndodhë shumë shpejt”, përfundoi argjentinasi.
