Mërgim Berisha është rikthyer në Augsburg.
Futbollisti kosovar është huazuar në ish-ekipin e tij nga Hoffenheimi, ku nuk arriti të linte gjurmë.
Marrëveshja mes dy klubeve do të vlejë deri në fund të këtij sezoni, njoftojnë dy klubet,
Berisha i ishte bashkuar Augsburgut në eksperiencën e parë aty në vitin 2023 në formë huazimi nga Fenerbahçe, ndërsa më pas klubi gjerman e kishte blerë kartonin e tij në verën e vitit 2024 për ta shitur atë menjëherë në Hoffenheim.
Futbollisti nga Suhareka i kishte shënuar 9 gola dhe i kishte bërë 4 asistime në sezonin e parë me Augsburgun.
Gjatë 11 ndeshjeve me Hoffenheimin, ai e realizoi një gol.
Berisha do ta veshë fanellën me numër 37 tek Augsburgu, ku e pati një eksperiencë pozitive paraprakisht, ndërsa në vitin 2023 i pati dy paraqitje në Kombëtaren gjermane, duke hequr dorë përfundimisht nga opsioni për të luajtur për Kosovën
