Fitorja me 4-1 kundër Stuttgartit i siguroi Paris Saint-Germain të Luis Enriques kalimin në fazën e play-off të Ligës së Kampionëve.
Ekipi i kryeqytetit francez tani pret të zbulojë kundërshtarin e tij, i cili do të jetë një nga Bresti ose Monaco, ndërkohë që shijon një tjetër mbrëmje të shkëlqyer evropiane.
Ndër protagonistët e ndeshjes kundër gjermanëve ishte Gianluigi Donnarumma.
Portieri italian, ka shprehur përsëri dashurinë e tij për klubin që e priti në vitin 2021 dhe ka kërkuar rinovimin me ta.
“Shpresoj të qëndroj këtu dhe të zgjas kontratën. Jam këtu, kjo është shtëpia ime. Ndihem shumë mirë këtu dhe shpresoj të vazhdoj të punoj mirë në Paris”, ka deklaruar Donnarumma.
Ky është një hap tjetër drejt rinovimit, i cili i shtohet atij pas fitores kundër Manchester City, kur portieri i kombëtares italiane kishte shprehur tashmë dëshirën për të qëndruar me kampionët e Francës.
25-vjeçari deri më tani ka mbrojtur në 136 ndeshje zyrtare me PSG-në, ku në 45 prej tyre ka mbajtur portën e paprekur
