Lidhja Demokratike e Kosovës ka vazhduar sot fushatën zgjedhor në qytetin e Vitisë ku është pritur nga Kryetari i këtij qyteti, Sokol Haliti. Tubimi ndryshe nga rastet tjera që po shohim këto ditë, në Viti tubimi u zhvillua në sheshin kryesor të qytetit.
Kandidati për kryeministër nga Lidhja Demokratike e Kosovës Lumir Abdixhiku, gjatë tubimit të madh në sheshin e Vitisë, dha zotimin e tij për kyçjen në autostradë të kësaj ane, më saktësisht në fshatin Gërlicë.
Madje sipas tij, ky do të jetë prioritet i qeverisjes së udhëhequr nga ai.
‘’Unë ju shpalosi programin politik, me 5 miliardë euro investime, me 5 miliardë euro buxhet e me 5% rritje ekonomike!Në këtë ambicie, zotohemi që garantojmë jetë të mirë në Kosovë. Prandaj, në javën e parë, pra në javën e parë, të gjithë shërbyesve publikë në Kosovë – mësuesve, mjekëve, policëve, zjarrfikësve, ushtarëve, të gjithë punëtorëve të shtetit – do t’ua rrisim pagat, me koeficient 150’’, tha Abdixhiku.
