Kreu i PD Sali Berisha theksoi angazhimin e Partisë Demokratike për të rritur ndjeshëm buxhetin për bujqësinë gjatë vitit të dytë të qeverisjes së tij të mundshme. Ai premtoi të pesëfishojë financimin për bujqësinë dhe blegtorinë, me qëllim për të mbështetur prodhimin lokal dhe për të përmirësuar cilësinë e shërbimeve për fermerët
“Duhet të kushtojmë rëndësi të veçantë arsimimit të fermerëve të ardhshëm dhe sigurimit të ekspertëve të aftë të bujqësisë në të gjithë territorin e vendit,” deklaroi Berisha. Ai theksoi nevojën për një raport të ri midis agronomëve dhe fermerëve, që do të kontribuonte në zhvillimin e bujqësisë
Berisha kritikoi qeverinë aktuale, duke e akuzuar për përpjekje për të plaçkitur territorin e Universitetit Bujqësor dhe për të shkatërruar strukturën e tij aktuale. Ai gjithashtu u angazhua se do të mbronte prodhimet vendase dhe se nuk ka vend në botë që nuk mbrohet prodhimi i tij, përveç Shqipërisë.
“Ne do të bëjmë gjithçka për të transformuar fshatin në një vend ku fermerët e rinj do të mbështeten fuqimisht me kredi të buta dhe grante për startup-et,” tha Berisha. Ai e theksoi rëndësinë e ripopullimit të fshatrave shqiptare dhe theksoi se shumë fshatra janë duke u zbrazur, veçanërisht në jug të vendit
