Agjenti i mbrojtësit të Juventusit dhe përfaqësuesit të Italisë, Andrea Cambiaso, ka zbuluar se interesimi i Manchester City gjatë merkatos së janarit ‘ishte i vërtetë’ dhe se Pep Guardiola ‘e donte atë’.
Giovanni Bia, i cili përfaqëson Cambiaso-n dhe disa talente të rinj italianë, ishte i ftuar në Radio Goal në Kiss Kiss Napoli të enjten, ku diskutoi mbi disa tema, përfshirë interesimin për klientin e tij gjatë merkatos së janarit.
Raportet gjatë muajit të fundit sugjeronin se City po konsideronte një ofertë rreth 65 milionë euro për mbrojtësin e gjithanshëm të Bianconerëve.
Agjenti i Cambiaso zbulon: ‘Guardiola e donte atë’
Gjatë paraqitjes së tij në radio të enjten, Bia konfirmoi se raportimet në shtypin italian ‘ishin të vërteta’.
“Juventus do të shpjegojë se çfarë ndodhi,” tha ai fillimisht.
“Unë ju them se gjithçka që ka dalë në gazeta në lidhje me negociatat është e vërtetë. Është e vërtetë që Guardiola e donte atë,” tha agjenti i Cambiaso-s, sipas Tuttosport.
City nuk u kursye gjatë janarit, duke shpenzuar mbi 200 milionë euro për Omar Marmoush nga Eintracht Frankfurt, Nico Gonzalez nga Porto, Abdukodir Khusanov nga Lens dhe Vitor Reis nga Palmeiras.
Dhe ndërsa Cambiaso nuk përfundoi në Etihad Stadium, ende ka raportime se City mund të rikthehet me një ofertë zyrtare gjatë merkatos së verës.
