Analisti Frrok Çupi ka deklaruar se kryeministri Albin Kurti duhet të largohet vullnetarisht nga arena politike e Kosovës.
“Në qoftë se kësaj here ndodh një fatkeqësi, siç ka ndodhur para katër vjetësh, Kosova do ta ketë shumë të vështirë pastaj. Shikoni si erdhën situatat, janë situata që dikush atje lart, dikush që është shumë i fuqishëm, do të vendosë, do të thotë jo Kosovë më.
Unë mendoj që mjaft është mjaft, dhe mendoj se ka ardhur momenti që qeverisja e Albin Kurtit tashmë është një mision i pamundur. Që do të thotë se edhe nëse i fiton zgjedhjet, gjë që nuk e besoj, është e pamundur të qeverisë. Brenda një muaji duhet të bie, nuk e pranon askush në botë”, tha Çupi për Klan Kosova.
Po ashtu Çupi Kurti e ka detyrim moral t’i kërkojë falje shtetasve të tij për gabimet që ka bërë gjatë qeverisjes.
“Por e mira e tij do të ishte, nëse i ka ngelur sado pak ndjenjë atdhetarizmi, shqiptarie, të thotë më falni, ka kohë edhe sot deri nesër në mëngjes, kam hyrë në kohë të gabuar, ika.
Ikja e tij në mënyrë vullnetare do ta linte si një njeri, si një djalosh malazez që ka ardhur aty në Kosovë, ka trazuar disa gjëra dhe ka ikur përfundimisht”, tha ndër të tjera analisti.
