Mesfushori i Milanit, Tijjani Reijnders ka ndarë ambiciet dhe planet e tij për të ardhmen.
Lojtari ka zgjuar interesimin e top skuadrave evropiane, mes tyre edhe Real Madridi.
Por, Reijnders ka thënë se dëshiron ta vazhdojë qëndrimin në San Siro dhe të mbetet në histori të tyre.
“Qëllimi im më i madh është të fitoj sa më shumë trofe. Unë luaj futboll që emri im të shkruhet në librat e historisë”, ka deklaruar ai.
“Shpresoj që kjo të bëhet e mundur me Milanin, me të cilin do të vazhdoj së shpejti kontratën”.
“Të nominohesh për Topin e Artë një ditë është një ëndërr sepse do të thotë shumë. Gjithçka do të varet nga paraqitjet e mia dhe trofetë që fitoj”.
“Nëse vazhdoj të përpiqem të jem më i mirë në çdo lojë, të punoj shumë për ekipin dhe të qëndroj i vendosur, atëherë të nominohem do të vijë natyrshëm”, potencoi më tej Reijnders.
Sipas gazetarit Nicolo Schira, kontrata e re do të zgjasë deri në vitin 2029, me një pagë prej 3 milionë euro në vit.
