Një muaj paraburgim për babë e bir, të dyshuar për vrasjen në Skënderaj

by informim peje

Gjykata Themelore në Mitrovicë ua ka caktuar nga 30 ditë paraburgim dy të dyshuarve për vrasjen në Skënderaj.

Kjo është bërë e ditur me një komunikatë për media.

banner

“Gjykata Themelore në Mitrovicë, Departamenti Për Krime të Rënda, ka vendosur lidhur me kërkesën e Prokurorisë Themelore në Mitrovicë, për caktimin e masës së paraburgimit kundër të pandehurve H.i dhe B.I. Paraburgimi iu caktohet nën dyshimin e bazuar se të pandehurit H.I dhe B.I kanë kryer veprat penale: I. Vrasje e rëndë nga neni 173 par.1 nën par 1.5 lidhur me nenin 31 të KPRK-së, dhe II. Mbajtja në pronësi, kontroll ose posedim të paautorizuar të armëve nga neni 366 par.1 lidhur me nenin 31 të KPRK-së”, thuhet në njoftim.

Masa e paraburgimit të pandehurve iu llogaritet në kohëzgjatje prej një (1) muaji.

Kundër këtij Aktvendimi, është e lejuar e drejta në ankesë, në afat prej 48 orësh nga momenti i pranimi të Aktvendimit. Ankesa i drejtohet Gjykatës së Apelit të Kosovës në Prishtinë.

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy