Miliarderi Elon Musk , një këshilltar i lartë i presidentit amerikan Donald Trump, akuzoi presidentin ukrainas Volodymyr Zelensky për vrasjen e një gazetari amerikan.
“Zelensky vrau një gazetar amerikan! Musk tha të mërkurën në llogarinë e tij X pasi Trump e quajti udhëheqësin ukrainas një “diktator pa zgjedhje” dhe paralajmëroi se “më mirë të lëvizë shpejt ose nuk do t’i mbetet një vend”.
Postimi i Musk erdhi pasi një llogari pretendonte se gazetari kiliano-amerikan Gonzalo Lira u vra në Ukrainë vitin e kaluar pasi dyshohet se ishte kritik ndaj Zelensky.
Trump postoi në platformën e tij “Truth Social” disa orë pasi Zelensky iu kundërpërgjigj sugjerimit të tij se Kievi “nuk duhet ta kishte filluar kurrë” luftën, duke thënë se presidenti amerikan po jetonte në një “flluskë dezinformimi” ruse.
Trump ka avancuar negociatat për t’i dhënë fund luftës trevjeçare në Ukrainë, pa pjesëmarrjen e Kievit dhe qeverive të tjera evropiane.
Ai tha se Evropa ka dështuar të sjellë paqe në Ukrainë dhe SHBA po negocionte me sukses një fund të luftës.
