Në një bisedë në oborrin e shtëpisë, Rozana dhe Laerti diskutuan për marrëdhënien mes Gjestit dhe Eglit, e cila ka shkaktuar dyshime mes banorëve.
Disa mendojnë se gjithçka është pjesë e një skenari të përgatitur nga vetë ata, por Egli ka treguar shpesh se është e lënduar dhe ka pranuar hapur ndjenjat për Gjestin.
Laerti u shpreh se e gjithë shtëpia mendon se marrëdhënia e tyre është një lojë, por ai beson se ndjenjat e Eglit janë të vërteta.
Rozana e mbështeti këtë mendim, duke thënë se edhe ajo e ka thënë më parë.
Ndërkohë, Laerti mendon se Gjesti po tregon dyfytyrësi dhe e kritikoi Rozanën për mbështetjen e madhe që i ka dhënë.
Ai e këshilloi ta lërë Gjestin të veprojë vetë, duke i thënë: “Lëre, të shohim kush është pa ty!”.
Rozana, nga ana tjetër, tha se është “hedhur në zjarr” për të mbrojtur Gjestin, por Laerti sugjeroi që ajo duhet të distancohet dhe ta lërë të luajë vetëm.
