Milorad Dodik, presidenti i Republikës Srpska, është shpallur fajtor dhe është dënuar me një vit burg si dhe me gjashtë vjet ndalim për ushtrimin e funksionit.
Sipas informacioneve të para, ushtruesi i detyrës së drejtorit të Gazetës Zyrtare të RS, Mladen Lukiq, është liruar nga akuzat, shkruajnë mediat lokale.
Goran Bubiq, avokati i Milorad Dodikut, më herët ka deklaruar se nuk do të marrë pjesë në shpalljen e vendimit në Gjykatën e Bosnje dhe Hercegovinës (BeH). „Nuk mund të marr pjesë në poshtërimin e së drejtës, të paktën kur nuk jam i detyruar“, ka thënë Bubiq për Radio-Televizionin e RS (RTRS).
Në shpalljen e vendimit nuk po merr pjesë as Miljkan Pucar, avokati i Lukiqit.
Dodik më herët kishte paralajmëruar se nuk do të merrte pjesë në shpalljen e vendimit.
Dodik dhe Lukiq ishin akuzuar për moszbatimin e vendimeve të përfaqësuesit të lartë në BeH.
