Janë mbyllur të gjitha ndeshjet e javës së 23-të në Superligën e Kosovës, ku nuk munguan rezultatet befasuese dhe lëvizjet në renditje.
Drita ka pësuar humbjen nga Llapi si mysafir në “Zahir Pajaziti” me rezultat 1-0, me golin e shënuar nga Ardit Tahiri.
Ballkani dhe Prishtina ka barazuar me rezultat 1-1, me të dy golat që u shënuan në fundin e ndeshjes.
Gjilani ka vazhduar ngjitjen në renditje, duke mposhtur me shumë vështirësi Feronikelin 74 më rezultat 1-0, më golin e shënuar nga Albin Prapashtica.
Ferizaj ka marr një fitore të madhe ndaj Suharekës me rezultat 3-1, duke qëndruar tani në ujëra më të qeta.
Dukagjini po ashtu ka marr një fitore të madhe, pasi fitoi ndaj Malishevës me rezultat 1-0, me golin e Mërgim Pefqelit.
Drita mbetet lider me 50 pikë edhe përkundër humbjes, duke u ndjekur nga Ballkani që ka 40 pikë.
Në vendin e tretët mbetet Malisheva që ka 37 pikë, ndërsa tashmë Gjilani është i katërti me 34 pikë. Prishtina tashmë zbret në vendin e pestë me 31 pikë, që tashëm ndiqet nga Ferizaj që ka 29 pikë.
Dukagjini ka dal nga zona e rrezikshme me 28 pikë mban vendin e shtatë. Llapi dhe Suhareka tashmë janë në pozitat tetë dhe nëntë, me këtë ta fundit që për herë të parë këtë vit janë në këtë pozitë.
Feronikeli 74 është i fundit me 13 pikë, dhe me pak gjasa për të mbijetuar.
Në javën e ardhshme që zhvillohet në mesjavë takohen: Drita –Ballkani, Ferizaj – Llapi, Malisheva – Gjilani, Prishtina – Dukagjini, Suhareka – Feronikeli 74
