Policia ka njoftuar se janë identifikuar tre persona që kanë dalë në gjueti të kundërligjshme në fshatrat Lez dhe Leskovec të Prizrenit dhe i kanë ekspozuar armët në rrjetet sociale.
“Hetuesit policor në Stacionin Policor në Prizren, për mes rrugëve operative kanë arritur që të identifikojnë tre dyshuar: D.B. (viti i lindjes 1984), B.B. (viti i lindjes 1982) dhe N.B (viti i lindjes 1984). Të njëjti kishin dal në gjueti kundërligjshëm në fshatrat Lez dhe Leskovec /Prizrenit, ki i kanë ekspozuar armët ne rrjetet sociale facebook.”
Dje policia ka kontrolluar shtëpitë e tre të dyshuarve dhe kanë sekuestruar një pistoletë me 50 fishekë dhe një pushkë karabinë.
Rasti shkon në procedurë të rregullt.
“Me 19.03.2025 rreth orës 09:30., në rrugën “Asim Berisha” Prizren, Policia ka kontrolluar shtëpitë e tre të dyshuarve, pasi të njëjtit kishin ekspozuar në rrjete sociale armë dhe gjatë kontrollit kanë gjetur dhe sekuestruar një pistoletë me 50 fishekë dhe një pushkë karabinë. Në konsultim me prokurorin rasti shkon në procedurë të rregullt. Ndaj tyre do të ngritët kallëzim penal për veprat penale ‘Mbajtje ne pronësi, kontroll, posedim te paautorizuar te armeve””
