Ambasada e Shteteve të Bashkuara të Amerikës në Kosovë e ka përkujtuar ish Sekretaren e Shtetit, Madeleine Albright në trevjetorin e vdekjes.
Në përkujtim, Ambasada Amerikane përmendi lidershipin e saj të guximshëm në lidhje me Ballkanin, dhe specifikisht Kosovën.
“Jeta e Madeleine Albright ishte personifikimi i ëndrrës amerikane dhe lidershipi i saj i guximshëm në Ballkan shpëtoi jetë të panumërta. Progresi i Kosovës është një homazh i vazhdueshëm ndaj trashëgimisë së saj”, thuhet në postimin e Ambasadës Amerikane në X.
Ambasada e SHBA-së kujtoi se në SHBA, Sekretari i Shtetit është “diplomati më i lartë i kombit” – “personi përgjegjës për zbatimin e politikës së jashtme të Presidentit, forcimin e marrëdhënieve diplomatike në mbarë botën dhe menaxhimin e një force të madhe pune globale”.
Albright vdiq më 23 mars 2022, në moshën 84-vjeçare. Ajo ishte gruaja e parë e zgjedhur Sekretare e Shtetit e SHBA-së në vitin 1997. Shërbeu në administratën e Bill Clintonit në një kohë lufte në Kosovë dhe emri i saj mbetet i paharruar në vendin e vogël ballkanik pikërisht për rolin e saj në pëfundimin e kësaj lufte dhe çlirimin e tij.
U.S. Embassy Pristina>/ Honoring the life and legacy of the first female Secretary of State, Madeleine Albright during #WomensHistoryMonth. Our nation’s top diplomat is the Secretary of State – the person charged with implementing the President’s foreign policy, strengthening diplomatic relations around the globe, and managing a large global workforce. Madeleine Albright’s life was the personification of the American dream and her courageous leadership in the Balkans saved countless lives. Kosovo’s progress is an ongoing tribute to her legacy. https://readmypins.state.gov
