23 
E ardhmja e portierit Andre Onana te Manchester United është në pikëpyetje.
Manchester United është i përgatitur të lejojë portierin Andre Onana të largohet për në Arabinë Saudite në fund të sezonit.
Sipas The Sun, trajneri i United, Ruben Amorim, nuk do t’i qëndrojë pengesë 28-vjeçarit kamerunian, i cili nuk ka arritur ta bindë atë me paraqitjet e tij këtë sezon.Për më tepër, United tashmë ka identifikuar disa zëvendësues të mundshëm për Onanën.
Portieri i Parmas, Zion Suzuki është në krye të listës së dëshirave, derisa në listë është edhe Gregory Kobel.
Djajtë e Kuq synojnë që nga shitja e Onanas në Arabinë Saudite të fitojnë rreth 50 milionë euro
