Policia e Kosovës ka kapur 32 kg drogë të fshehur në automjetin me targa serbe.
Për këtë ka njoftuar Policia e Kosovës, duke e emëruar operacionin se “Shtegu’.
Policia ka arrestuar të dyshuarin si transportues i drogës. Kjo ka ndodhur në pikën kufitare në Jarinjë.
Më poshtë njoftimi i plotë i Policisë:
Policia e Kosovës ka kapur 32 kg drogë të fshehur në automjetin me targa serbe.
Për këtë ka njoftuar Policia e Kosovës, duke e emëruar operacionin se “Shtegu’.
Policia ka arrestuar të dyshuarin si transportues i drogës. Kjo ka ndodhur në pikën kufitare në Jarinjë.
Më poshtë njoftimi i plotë i Policisë:
Drejtoria për Hetimin e Trafikimit me Narkotikë (DHTN) nga Policia e Kosovës, ka realizuar një operacion të suksesshëm në rajonin e Mitrovicës së Veriut, ku ka parandaluar transportimin e një sasie të konsiderueshme narkotikësh.
Me datën 24 mars 2025, pas marrjes së informacionit të besueshëm se një automjet me targa serbe dyshohet se po transporton narkotikë. DHTN-Mitrovicë veri, në koordinim me Policinë Kufitare dhe mbështetje nga Njësia e Krim Teknikes, ka realizuar një operacion në Pikën e Kalimit Kufitar Republika e Kosovës–Serbi në Jarinjë.
Gajtë realizimit të operacionit policor të koduar “ SHTEGU” për kontrolle të disa automjeteve të dyshuara, një automjet i markës Mercedes A-Class me targa serbe është përzgjedhur për kontroll. Pasi janë ngritur dyshime të theksuara, automjeti në fjalë është derguar në Mitrovicën e Jugut për një kontroll më të detajuar. Gjatë inspektimit dhe kontrollit të automjetit, në pjesën e poshtme të tij është gjetur një rezervuar i shtuar metalik, me përmasa 160×97 cm dhe thellësi 25 cm, i cili dyshohej të mbante substanca narkotike.
Pas hapjes së rezervuarit, janë gjetur gjithsej 30 pako të mbështjella me folie transparente, që përmbanin substanca të dyshuara narkotike të llojit marihuanë. Pesha totale e sasisë së konfiskuar është 32.4 kilogramë.
Operacioni është realizuar në konsultim të plotë me Prokurorin e Prokurorisë Themelore në Mitrovicë.
Në përputhje me procedurat ligjore, dy telefonë celularë janë konfiskuar dhe automjeti i dyshuar është sekuestruar për hetime të mëtejshme. I dyshuari, me iniciale (N.M-Beograd) pas veprimeve të para hetimore, është arrestuar dhe me vendim të Prokurorit është dërguar në ndalim policor për 48 orë, ndërsa hetimi i rastit vazhdon nga antidroga- Mitrovicë e Veriut.
Policia e Kosovës mbetet e përkushtuar për të garantuar sigurinë dhe rendin, duke luftuar me vendosmëri çdo formë të krimit, përfshirë trafikun e narkotikëve dhe veprimtaritë e paligjshme që rrezikojnë shëndetin dhe sigurinë e qytetarëve.
Policia e Kosovës falënderon qytetarët për bashkëpunimin e vazhdueshëm dhe inkurajon çdo individ që ka informacione për aktivitete të dyshimta kriminale, që të kontaktojë autoritetet përkatëse.
