Serbia e ka kujtuar 24 marsin e vitit 1999, duke bërë nderime pranë një monumenti të “fëmijëve të rënë gjatë agrestionit të NATO-s”.
Ministri i Punëve të Jashtme të Serbisë, Marko Gjuriq vendosi një kurorë atje, ndërsa në komunikatën e lëshuar u tha se “më 24 mars, 26 vjet më parë, filloi agresioni i NATO-s ndaj Republikës Federale të Jugosllavisë, i cili zgjati 78 ditë, duke shkaktuar shumë viktima dhe dëme të mëdha materiale”.
Me Gjuriqin, atje ishin edhe delegacione nga Ministria e Mbrojtjes e Serbisë dhe ushtria serbe.
Në fotografi shihet edhe ambasadori i Rusisë në Beograd, Aleksandar Bocan Harchenko, megjithëse nuk përmendet specifikisht në komunikatë.
