Klubi i La Ligës, Barcelona po mendon të rinovojë kontratën e trajnerit gjerman, Hans-Dieter Flick, pas punës së tij të suksesshme.
Sipas gazetës Sport, Barcelona nuk po nxiton të zgjasë kontratën e Hansi Flick, por drejtori sportiv Deco dëshiron të finalizojë një rinovim në verë.
Marrëveshja aktuale e trajnerit gjerman zgjat deri në vitin 2026, por klubi dëshiron të shmangë spekulimet duke siguruar një marrëveshje më herët
Flick mbetet i përqendruar në të tashmen dhe nuk nxiton të diskutojë një zgjatje. Barcelona gjithashtu beson se nuk ka nevojë të menjëhershme për negociata, por nuk dëshiron ndonjë pasiguri në lidhje me planet e tyre afatgjata.
Të dyja palët ndajnë një marrëdhënie të fortë dhe procesi i rinovimit pritet të jetë i qetë. Klubi e sheh Flickun si njeriun e duhur për të udhëhequr skuadrën përpara dhe beson se një marrëveshje do të arrihet në kohën e duhur.
Barcelona do t’i ofrojë Flickut një rritje rroge si njohje për punën e tij që prej mbërritjes verën e kaluar. Kushtet financiare do të rregullohen për të pasqyruar rolin e tij në zhvillimin e ekipit
